لازم اتكلم

اسكت لاء مش هسكت خلاص لازم اتكلم
انا في بعادك عرفت كتير وكنت فعلا بتألم
لازم اقول انا خلاص قلبي من اوهامه اتعلم
خسرت كتير وكنت عليكي كل لحظه بتندم
معرفتش اني كنت بحبك غير لما قلبي اتعلم
يمكن اكون غلطان وكسرت قلبك ومشيت
وكنت فاكر اني خلاص غيرك انا حبيت
ورحلت بعيد وسبت كل الذكريات وجريت
ورا وهم عاش جوه قلبي وخلاص انا منه صحيت
مش هلوم قلبك انه رافض حتي يسمعني
مش هلوم عينك اللي رافضة حتي تشفعلي
مش هلوم ايدك اللي رافضه حتي تلمسني
مش هلومك ولا هعاتب بس قلبي خلاص انكسر
مش هقولك انا عايزك واد ايه كرهت البشر
مش هقولك انا بتعذب وجوايا نار وحياتي في خطر
مش هقولك يعني ايه الواحد يشعر بالضياع
وانه خلاص مل الوشوش اللي عاشقه القناع
وان العيون كلها مليانه غدر وكذب وخداع
مش هقولك اد ايه انا كان عذاب قلبي وانيني
لما حسيت بجرح قلبك واني شوفت دموعك بعيني
كنت زيك اجري علي المكان واداري نفسي عشانك
خايف تشوفيني ينكسر قلبك وتصحي جواه احزانك
كنت حاسس بالمراره لما قلبي عاش علي جرحك
كنت عارف اني غلطت واني مش هقدر اصارحك
بس مقدرتش اتحمل وكان لازم اجي اشكي ليكي همي
كنت حاسس ان ذنبك بيدبح فيا وكان كل المي وهمي
معاكي حق في كل عتاب وكل صرخة ندم
معاكي حق في كل نبرة( لا ) خارجة من غير صوت وبألم
معاكي حق ما انا عارف قلبك وعارف اد ايه اتظلم
مش هبرر موقفي ومقدرش اصبر علي جرحك
كنت راجع عشانك عارف ان جرحك من الحياه مانعك
وانك استحاله تقدري تعيشي والحزن ساكن ملامحك
لسه فاكراني ولا خلاص عايزاني اسكت وامشي بعيد
لسه قبلاني ولا خلاص رافضه حتي كلامي من جديد
هرجع واقولك مع السلامة وانا خلاص من وهمي صحيت
بس كان لازم اجيلك تسامحيني وهرجع مكان ما جيت
بس قبل ما امشي هقولك اسف انا غلطات وحبك لسه في الوريد
ولا يوم هحب غيرك مهما كان حتي لو بحبك هموت شهيد

اهدء الى مريم

بارك الله فيك يا غالي على الموضوع الرائع
موفق ان شاء الله

» شيرين "عندما اتكلم امام الجمهور غالبا ما اخطأ"
» البوم محمود الحسينى " لازم تسايس 2011 "
» تحميل اغنية زين داوود لازم نفترق 2012
» تحميل اغنية زين داوود لازم نفترق النسخة الاصلية ماستر كواليتي 2012